قولتيلى تختارى

قولتيلى تختارى
وإخترتى يوم غيرى
ولما سقاكى المر
رجعتى تشكيلى

نسيتى جرحك ليا
ودموعى اللى فى عينيا
ورجعتى ندمانه
فاكرانى هأداويكى

حرام بجد كفايه
خلصت خلاص الحكايه
وزى مانسيتى حبى
دلوقتى هأنساكى

سامحينى ده إختيارك
خدتى زمان قرارك
وجرحتى قلب حبك
وقولتيلى أنا بس مالى

بجد مش شماته
ده أنا ياما زمان حايلتك
سقتينى مر غدرك
وبنفس الكاس سقاكى

حذرتك من النهايه
ورفضتى تسمعينى
ورجعتى بجرح عمرك
وأنا عمرى ضاع معاكى

طريقنا ماعدش واحد
ولاراح يجمعنا طريق
واللى مابينى وبينك
مات زمان بإيديكى




__________________