فى التانى السلامه وفى العجله الندامه, موضوع هام للجميع

بيقولولك كل تاخيره وفيها خيرة

وبيقولو برده فى التانى السلامه وفى العجله الندامه

كتير مننا بياخد قرار ويرجع يندم عليه بعد كده دا راجع ليه انه اتسرع فى اخد القرار الصح او مفكرش كويس

زى مثلا اما يحصل ان البنت توافق على عريس متقدم ليها عشان شكليات ملهاش لازمه وترجع فى الاخر يحصل سوء تفاهم بين الطرفين
واحيانا بتبقى على اسباب تافهه برده وترجع البنت تحمل لقب مطلقه مع انها ياعينى ماتجوزتش اصلا

نشوف بقى حكاية الانسه المطلقه دى واللى زادت اوى فى الفترة الاخيرة ودا بيرجع برده نتيجه للتسرع فى كتب الكتاب بدرى عن ميعاد الفرح
وتحصل خلافات بين الاسرتين تتطلع البنت هى الخسرانه من الليله دى كلها بانها تحمل لقب مطلقه

الولد طبعا مايعبوش حاجه زى مابيقولو يعنى مش فارقه معاه سواء كان متجوز قبل كده او مش متجوز

واللى يصعب عليك بقى ان البنت دى يا عينى ماتكنش تمت ال 22 سنه او 23 سنه حتى بس الاسم اخدت لقب مطلقه

ليه نعرض بناتنا للقب ده قبل اوانه وليه الناس بيتسرعو فى جواز ولادهم وفى النهايه نرجع نقول يا ريت

كان فين عقلك ياختى ساعة اما والدك قالك ايه رايك فى فلان واتسرعتى عشان الاسم تبقى مخطوبه وهب الاسم تكونى هتتجوزى وهب فجاه تبقى مطلقه
تبقى الانسه المطلقه

وحكاية الطلاق دى اصلا بقت كتير اوى الايام دى مش عارفه ليه ؟؟؟؟؟؟؟؟؟؟؟
دا بيكون راجع مثلا ان فترة الخطوبه ماكانتش كفايه ولا ان الطرفين مافهموش بعض كويس ولا ايه بالظبط

انا عندى مثالين لحكاية الانسه المطلقه دى
الاولى واحده عندها 23 سنه وكانت هترتبط بابن عمها بعد قصة حب الناس كلها بتتكلم عنها وعملو خطوبه وكتب كتاب
وبعديها سافر العريس عشان يشوف مصالحه وشغله وفجاة نلقى بنت عمه طالبه الطلاق
ليه ياجماعه ان ابغض الحلال عند الله الطلاق
يقولولك دول شافو جوازة تانيه
جوازة تانيه ايهطب راح فين الحب وراحت فين صلة الدم اللى بينكو دى
وهب وبعديها البنت حصلت على لقب الانسه المطلقه

والتانيه بنت لسه فى كلية لا راحت ولا جت وبقت برده مطلقه

يا ريت يا جماعه مانستعجلش فى الامور اللى زى دى ونوعى اخواتنا وبناتنا ونفسنا الامور دى مافيهاش هزار
دى عمر تانى وحياة تانيه
ولازم نفكر قبل ما ناخد القرار الصح الف مرة ونستخير ربنا

كتير بنسمع عن خطوبات اتفسخت وعن جوازات فشلت
ليه نعرض نفسنا نكون فى موقف سخيف زى ده

انا موش بقول الكلام ده للبنات بس لا والشباب كمان
اقعد مع اختك واتقرب منها مافيش حد هيخاف عليها ويهمه مصلحتهها ادك
مهما كان ليها صحاب بيحبوها مهما كان ليها ناس قريبين منها انت اكتر واحد هتخاف عليها وتديها القرار صح

وانتى برده يابنوته ليه ماتصحبيش اخوكى وتحكيله وتتقربى منه
محدش هيخاف عليكى اده ولا هتهمه مصلحتك اده

فى النهايه يا جماعه
شكلى صدعتكو اصلا
مش مهم
المهم اننا نفكر مرة واتنين وتلاته قبل اما ناخد اى قرار فى حياتنا وخصوصا لو كان قرار متعلق بمصير وكيان ووجود حياة تانيه

وربنا يصلح حالنا كلنا

تسلم علي مواضيعك يا برنس

تسلم علي مواضيعك يا برنس

الموضوع بجد جميل جدا تسلم ايدك

بجد الموضوع جامد جداااااااااااااااااااااااااااااااااااااا

موضوع جميل جدا يابرنس